اسلام آباد (ويب ڊيسڪ) اسلام آباد ۾ غيرقانوني طور ڄاڻائي ڊاٿل چيمبرز خلاف وڪيلن پاران احتجاج، هنگامي ۽ ڀڃ ڊاهه کانپوءِ اسلام آباد هاءِ ڪورٽ ۽ ان جون ماتحت عدالتون ٻئي ڏينهن به بند آهن، جڏهن ته سپريم ڪورٽ جي سيڪيورٽي ۾ به واڌ ڪئي وئي آهي. رپورٽن مطابق اسلام آباد ۾ وڪيلن پاران هاءِ ڪورٽ ۾ ڪيل ڀڃ ڊاهه سبب عدالتي ڪاروهنوار معطل آهي، هاءِ ڪورٽ ۽ ماتحت عدالتن ۾ ڪنهن به ڪيس جي ٻڌڻي نه پئي ٿئي، پوليس ۽ رينجرز جي وڏي نفري اسلام آباد هاءِڪورٽ جي اندر ۽ ٻاهر مقرر ڪئي وئي آهي، ان کانسواءِ ريڊ زون ۽ سپريم ڪورٽ ۾ به سيڪيورٽي وڌائي وئي آهي. ٻئي پاسي اسلام آباد جي رمنا ٿاڻي تي دهشتگردي وارن قلمن سوڌو 30 کان وڌيڪ وڪيلن تي ڪيس داخل ڪيو ويو آهي.
143
