47

پڊعيدن ۾ عورتن جي تذليل ڪندڙ 4 اهلڪارن جون نوڪريون چٽ، ايڊيشنل ايس ايڇ او معطل

نوشهروفيروز/ پڊعيدن (ڊ ر/ن سوڀ) ايس ايس پي نوشهروفيروز الطاف حسين لغاري پاران پڊعيدن ۾ چوري الزام هيٺ پوليس اھلڪارن پاران عورتن تي تشدد ۽ تذليل ڪرڻ واري معاملي جي وڊيو وائرل ٿيڻ کانپوءِ ورتل نوٽيس ۽ ان بعد جاچ لاءِ مقرر ڪيل ڊي ايس پي نوشهروفيروز اعجاز ميمڻ جي رپورٽ بعد 4 پوليس اهلڪارن شاھنواز راڄپر، سعيد راڄپر، اياز لاشاري ۽ شاھد راڄپر کي نوڪريءَ مان برطرف ڪري ڇڏيو آھي. ايس ايس پي نوشهروفيروز الطاف حسين لغاري موجب جاچ آفيسر جاچ ۾ رپورٽ ڏني آهي ته وڊيو ۾ ڏيکاريل عورتن بابت سڄي ضلعي مان اھا تصديق نه ٿي سگھي آھي ته عورتون ڪٿان جون ۽ ڪھڙي برادري جون آھن. ايڊيشنل ايس ايڇ او علڻ سيال کي معطل ان ڪري ڪيو ويو ھو ته کيس ايس ايڇ او جي عارضي چارج ھئي پر ان جي موجودگي ۾ اھڙو واقعو پيش آيو، ھن چيو ته ڄاڻايل واقعي جي ڪري سنڌ سميت دنيا ۾ نوشهرو فيروز پوليس جي ساک خراب ٿي آھي، جيڪڏھن متاثر عورتون ظاھر ٿي اچن ته سندن فرياد تي اھلڪارن خلاف ڪيس داخل ڪيو ويندو.

هن خبر تي پنهنجي راءِ جو اظهار ڪريو.

پنهنجي راءِ ڏيو