اڳڙا ۾ بدامني، هٿياربند واپاري کان موٽرسائيڪل ۽ روڪ رقم ڦري ويا

اڳڙا (ن سوڀ) اڳڙا ۾ بدامني جو راڄ وڌي ويو آهي. ھٿياربند واپاري کان موٽرسائيڪل ۽ ٻيو سامان ڦر ڪري ويا. اڳڙا ٿاڻي جي حد جادو واھڻ وٽان اڻڄاتل هٿياربند ڦورو هٿيارن جي زور تي اڳڙا واسي واپاري ڪوثر علي شاھ کي يرغمال بڻائي موٽرسائيڪل، موبائل فون، 15 ھزار رپيا روڪ رقم ۽ ٻيو سامان ڦر ڪري ويا. واقعي جو اطلاع اڳڙا ٿاڻي تي ڏنو ويو، ان سلسلي ۾ متاثر واپاري ڪوثر علي شاھ چيو ته اڳڙا کان گمبٽ وڃي رهيو هئس ته رستي ۾ نامعلوم موٽرسائيڪل سوار هٿياربند هٿيارن جي زور تي مون کي يرغمال بڻائي تشدد جو نشانو بڻايو ۽ موٽرسائيڪل، روڪ رقم ۽ ٻيو سامان ڦر ڪري ويا. ھن چيو ته واقعي جي اين سي اڳڙا ٿاڻي تي داخل ڪرائڻ باوجود بد پوليس ڦورن خلاف ڪابه ڪارروائي نه ڪئي آهي.