ڪراچي (م ڊ) ڪشمور واقعي جي متاثر نينگري چئن ورهين جي عليشه جي حالت خراب ٿي وئي آهي، کيس ڪراچي جي نيشنل انسٽيٽيو آف چائلڊ هيلٿ(اين آءِ سي ايڇ) جي انتهائي نگهداشت وارڊ ۾ داخل ڪيو ويو آهي، جتي سندس علاج ڪيو پيو وڃي، اين آءِ سي ايڇ جي ڊائريڪٽر ڊاڪٽر جمال رضا چيو آهي ته متاثر نينگري انتهائي نگهداشت شعبي ۾ علاج هيٺ آهي، کيس وينٽيليٽر جي ضرورت پيش ناهي آئي، نينگري جي علاج لاءِ سمورا وسيلا استعمال ڪيا پيا وڃن، مڪمل بهتري ۾ اڃا ڪجهه ٽائيم لڳي سگهي ٿو، ٻئي طرف وزيراعظم عمران خان بهادري ڏيکاريندڙ پوليس آفيسر محمد بخش ۽ سندس نياڻي کي ٽيليفون ڪئي، کين بهادري ڏيکارڻ تي شاباس ڏني، وزيراعظم عمران خان پوليس آفيسر کي چيو ته توهان پوليس جي مثبت سڃاڻپ کي اجاڳر ڪيو آهي، وزيراعظم چيو ته سمورا نقص ختم ڪندي ايندڙ هفتي جنسي زيادتي بابت سخت آرڊننس آڻي رهيا آهيون.
207
