پشاور: پشاور ڀرسان نوشهره ڪاڪا صاحب روڊ تي فلائنگ ڪوچ کاهي ۾ ڪري پئي. جنهن جي نتيجي ۾ 5 ماڻهو اجل جو شڪار جڏهن ته 13 ماڻهو شديد زخمي ٿي پيا. ريسڪيو 1122 موجب مسافر فلائنگ ڪوچ ۾ 15 کان 20 جي لڳ ڀڳ ماڻهو سوار هئا. جيڪي ڪاڪا صاحب کان نوشهره ڪينٽ طرف وڃي رهيا هئا، زخمين ۾ عورتون ۽ اسڪولي ٻارڙا پڻ شامل آهن. اسپتال ذريعن موجب 5 ماڻهو حادثي ۾ اجل جو شڪار ٿي ويا آهن. جن ۾ 2 عورتون ۽ 3 مرد شامل آهن، جڏهن ته 13 ماڻهو زخمي ٿيا آهن. جن ۾ ڪيترن ماڻهن جي حالت ڳڻتي جوڳي آهي.
151
