اسلام آباد (ويب ڊيسڪ) پاڪ بحريه جي سربراهه ايڊمرل محمد امجد خان سان پاڪستان ۾ مقرر چين جي سفير نونگ رونگ نيول هيڊ ڪوارٽرز ۾ ملاقات ڪئي. جنهن ۾ گڏيل دلچسپي جي معاملن سميت خطي جي سيڪيورٽي صورتحال تي ڳالهه ٻولهه ڪئي وئي. پاڪ بحريه جي ترجمان مطابق نيول چيف خطي جي سامونڊي سيڪيورٽي ۾ پاڪ بحريه جي ڪردار تي روشني وڌي. امير البحر چيني سفير کي پاڪستان ۾ نيون ذميداريون سنڀالڻ تي واڌايون ڏنيون ۽ نيڪ خواهشن جو اظهار ڪيو. چيني سفير خطي ۾ سامونڊي سيڪيورٽي جي استحڪام جي لاءِ پاڪ بحريه جي ڪوششن کي واکاڻيو. ڌرين ٻنهي دوست ملڪن خاص طور تي سامونڊي فوجن وچ ۾ خوشگوار ناتن کي وڌيڪ هٿي ڏيڻ واري عزم کي پڻ ورجايو.
167
