راولپنڊي (ويب ڊيسڪ) آرمي چيف سان قطر جي هوائي فوج جي ڪمانڊر ميجر جنرل سليم حماد آلنابت ملاقات ڪئي آهي. پاڪ فوج جي سڌ سماءَ واري شعبي آءِ ايس پي آر مطابق پاڪستان جي دوري تي آيل قطري ايئر فورس جي ڪمانڊر ميجر جنرل سليم حماد آلنابت، آرمي چيف جنرل قمر جاويد باجوا سان ملاقات ڪئي. آءِ ايس پي آر مطابق ملاقات ۾ پيشوراڻن ۽ گڏيل دلچسپي وارن معاملن تي خيالن جي ڏي وٺ ڪئي وئي. ان موقعي تي جنرل قمر جاويد باجوا جو چوڻ هو ته پاڪستان قطر سان لاڳاپن کي خاص اهميت ڏئي رهيو آهي ۽ پاڪ فوج پنهنجي بچاءَ واري شعبي ۾ قطر کي هٿياربند فوج سان گڏ لاڳاپن کي بهتر ڪرڻ جي خواهشمند آهي.
136
