پيرجوڳوٺ (ن سوڀ) پيرڳوٺ ۾ ٽڪ ٽاڪ اسٽار جو پيءُ سان جهيڙو، سامان کي باهه، گرفتار، ان سلسلي ۾ سالار پاڙي واسي عزيز خلجي پنهنجي ڌيءُ ماروي خلاف ڪيس داخل ڪرائيندي موقف اختيار ڪيو ته ڌيءُ جهيڙي بعد گهر ۾ رکيل سامان کي باهه ڏئي ساڙي ڇڏيو آهي ۽ مون کي تذليل جو نشانو بڻائي ڌمڪيون ڏنيون آهن، پوليس ماروي خلجي مٿان ڪيس داخل ڪرڻ بعد ٽڪ ٽاڪ اسٽار کي ٿاڻي تي وٺي آئي ته ناري سپاهين کي به ست سريون ٻڌائي ڇڏيون ۽ کين گارگند شروع ٿي وئي، ماروي ايس ايڇ او جي واڪي ٽاڪي اڇلي ڀڃي ڇڏي، جنهن بعد ٿاڻي ۾ ٿرٿلو پئجي ويو ۽ اهلڪار پريشان ٿي ويا، هوڏانهن پوليس ماروي خلجي کي وومين ٿاڻي خيرپور منتقل ڪري جان آجي ڪرائي ڇڏي آهي، ناري بابت ذريعن ٻڌايو ته ڄاڻايل ناري ڪجهه سال اڳ سجاد ميمڻ سان پيار پرڻو ڪيو هو، پر ٻن مهينن بعد کانئس طلاق وٺي ڇڏي هئي.
255
