لنڊن (ويب ڊيسڪ) اڳوڻي وزيراعظم نواز شريف ۽ پنجاب جي اڳوڻي وڏي وزير شهباز شريف جي امڙ شميم اختر لاڏاڻو ڪري وئي آهي. ن ليگي اڳواڻ عطا تارڙ سماجي رابطن واري ويب سائيٽ ٽوئيٽر تي شميم اختر جي لاڏاڻي جو اطلاع ڏنو. رپورٽن مطابق نواز شريف جي امڙ جي طبيعت گذريل هڪ مهيني کان خراب هئي پر ڪجهه ڏينهن کان سندس طبيعت ويتر بگڙي وئي، هوءَ لنڊن ۾ ايون فيلڊ اپارٽمينٽس ۾ لاڏاڻو ڪري وئي، جتي نواز شريف علاج لاءِ موجود آهي، جڏهن ته شهباز شريف هن وقت لاهور جي جيل ۾ آهي. شريف ڪٽنب جي ذريعن مطابق بيگم شميم اختر جي جنازي نماز لنڊن ۾ ادا ڪئي ويندي، جنهن کانپوءِ سندس مڙهه سڀاڻي پاڪستان آندو ويندو.
210
