غوثپور (ن سوڀ) غوثپور ڀرسان ڳوٺ محمد فاضل اوڳاهي ۾زميني تڪرار تان جهيڙي دوران فائرنگ جي نتيجي ۾ هڪ ڄڻو مارجي ويو، جڏهن ته 3 ڄڻا زخمي ٿي پيا. مليل ڄاڻ مطابق اوڳاهي برادري جي ٻن ڌرين ۾ زمين جي تڪرار تان جهيڙو ٿي پيو، فائرنگ جي نتيجي ۾ 24 ورھين جو نوجوان عبدالصمد اوڳاهي موقعي تي مارجي ويو، جڏهن ته گوليون لڳڻ جي نتيجي ۾ صدام حسين، غلام حسين ۽ غلام مصطفيٰ اوڳاهي زخمي ٿي پيا، زخمين کي وارث ڪرمپور جي سرڪاري اسپتال کڻائي آيا. ڊاڪٽرن زخمين کي فوري طبي علاج ڏئي وڌيڪ علاج لاءِ لاڙڪاڻي اسپتال منتقل ڪري ڇڏيو. ٻڌايو پيو وڃي ته جهيڙو ٻن سئوٽن جي ڌرين وچ ۾ زمين جي مالڪي تان ٿيو آهي.
192
