اسلام آباد (ويب ڊيسڪ سڌ سماءُ واري وفاقي وزير سينيٽر شبلي فراز چيو آهي ته حڪومتي اجازت نه ملڻ باوجود پي ڊي ايم جو پشاور ۾ جلسو قانون جي ڀڃڪڙي ڪرڻ برابر آهي، سماجي رابطن واري ويب سائيٽ ٽوئيٽر تي جاري ڪيل پنهنجي بيان ۾وڌيڪ چيو آهي ته ڪورونا جهڙي خطرناڪ صورتحال ۾ عوام جون زندگيون داءُ تي لڳائڻ سياسي سفاڪي ۽ ظلم آهي، معمولي سياسي فائدي جي لاءِ بي گناهه انسانن ۽ ڪارڪنن جي زندگين سان کيڏڻ برابر آهن. وفاقي وزير هڪ ٻئي ٽوئيٽ ۾ وڌيڪ چيو آهي ته پيمرا کي عوام جي صحت جي لاءِ خطرناڪ سرگرمي نشر ڪرڻ جي اجازت نه ڏيڻ گهرجي، اسان ڪرپشن جي ڪورونا کان عوام حساب ڪتاب وٺندو.
197
