ڪراچي (ويب ڊيسڪ) مقبول ترين بلوچي گيت ليلا او ليلا جي ڪاميابي کانپوءِ علي ظفر 13 ورهين جي عروج فاطمه سان گڏ هڪ ڀيرو ٻيهر سنڌي گيت ” الي منهنجا ماروئڙا “ تيار ڪري ورتو آهي، جنهن جو پرومو پڻ جاري ڪيو ويو آهي. علي ظفر پاران سنڌي گيت ” الي منهنجا ماروئڙا “ جو پرومو گذريل ڏينهن سوشل ميڊيا تي جاري ڪيو ويو. علي ظفر انسٽاگرام اڪائونٽ تي بلوچي راڳي عروج فاطمه سان گڏ اجرڪ پائي رقص ڪندي سنڌي گيت ” الي منهنجا ماروئڙا “ جي پرومو واري وڊيو شيئر ڪئي. وڊيو ڪيپشن ۾ علي ظفر لکيو آهي ته ”ليلا او ليلا“ جي ڪاميابي کانپوءِ هن ڀيري مان ۽ فاطمه ” الي منهنجا ماروئڙا “ سان واپس اچي رهيا آهيون. ان سان گڏ هن جيئي سنڌ، جيئي پاڪستان ۽ اجرڪ جي هيش ٽيگ جو به استعمال ڪيو.
316
