ڪراچي (ويب ڊيسڪ) تعليم واري صوبائي وزير سعيد غني جو چوڻ آهي ته هن سال ڪنهن به صورت ۾ امتحانن کانسواءِ ٻارڙن کي ايندڙ ڪلاسن ۾ پروموٽ نه ڪيو ويندو. وفاقي وزير شفقت محمود جي صدارت هيٺ ٿيل اجلاس ۾ سعيد غني موقف ڏنو ته تجويز آهي ته سمورا تعليمي ادارا بند نه ڪيا وڃن، جيڪڏهن ايئن ڪرڻو آهي ته پرائمري اسڪولن جنهن ۾ انرولمينٽ 73 سيڪڙو آهي انهن کي بند ڪيو وڃي. هن اجلاس ۾ تجويز پيش ڪندي چيو ته ڪلاس 6 ۽ ان کان وڌيڪ وارن ڪلاسن کي جاري رکيو وڃي، جڏهن ته نائين، ڏهين، يارهين ۽ ٻارهين جا امتحان مئي ۽ جون ۾ وٺڻ جو فيصلو نه ڪيو وڃي، ايندڙ صورتحال کي ڏسي بعد ۾ فيصلو ڪيو وڃي. هن جو چوڻ هو ته جيڪي اسڪول آن لائين تعليم ڏيڻ چاهين ٿا اهي آن لائين تعليم جاري رکن.
312
