واشنگٽن (ويب ڊيسڪ) نئين چونڊيل آمريڪي صدر جوبائيڊن چيو آهي ته اسان جي جنگ هڪ ٻئي سان نه پر ڪورونا وائرس سان آهي ۽ ڪورونا وائرس کي شڪست ڏيڻ لاءِ اسان کي متحد ٿيڻ جي ضرورت آهي. برطانوي خابرو اداري مطابق نئين چونڊيل آمريڪي صدر جوبائيڊن ٿينڪس گيونگ ڊي تي آمريڪي شهرين کي خطاب دوران چيو ته هو ڪورونا وائرس جي ڪيسز ۾ جاري اضافي ۽ وڌيڪ خطري سبب موڪل مختصر ۽ محدود پيماني تي ملهائن ۽ وڌيڪ ماڻهو جمع نه ڪن، هڪ ٻئي سان اختلاف ختم ڪن ڇو جو سياري جي اها موسم ڪورونا وائرس سبب تمام ڏکي ۽ ڊگهي آهي، اهو ئي سبب آهي ته هو پڻ ٿينڪس گيونگ ڊي رڳو پنهنجي زال، ٻارن ۽ تمام گهٽ ويجهن مائٽن سان ملهائيندو. هن چيو ته هو ان ڳالهه تي يقين رکي ٿو ته توهان جو صدر هميشا سچ ڳالهائي، اسان کي ڪورونا وائرس جي ڦهلاءُ کي گهٽائڻو پوندو ۽ ان سلسلي ۾ ڊاڪٽرز، نرسون، فرنٽ لائن ورڪرز ۽ اسان جا شهري پڻ پنهنجو ڀرپور ڪردار ادا ڪن.
282
