ڪراچي (ويب ڊيسڪ) ڪراچي جي علائقي ڊفينس فيز 4 ۾ مبينا پوليس مقابلي ۾ 5 ڏوهاري مارجي ويا آهن. ايس ايڇ او گزري جو چوڻ آهي ته پوليس مقابلو هڪ خالي پيل جاءِ ۾ ٿيو، جتي پوليس جوابدارن جي موجودگي واري اطلاع تي پهتي ته جوابدارن فائرنگ شروع ڪري ڇڏي. پوليس مطابق فائرنگ جي ڏي وٺ ۾ 5 ڏوهاري مارجي ويا آهن، جن وٽان وڏي انگ ۾ هٿيار پڻ هٿ ڪيا ويا آهن. پوليس مطابق جوابدار ڊبل ڪيبن گاڏي ۾ جاءِ وٽ پهتا، سندن اها گاڏي تحويل ۾ ورتي وئي آهي ۽ ان بابت جاچ ڪئي پئي وڃي. پوليس دعويٰ ڪئي آهي ته مارجي ويل 5 ئي ڏوهاري درجنين ڪيسن ۾ پوليس کي گهربل هئا، مارجي ويلن مان ٽن ڄڻن جي سڃاڻپ مصطفيٰ، محمد عابد ۽ رياض طور ٿي آهي.
233
