ملتان (ويب ڊيسڪ) اڳوڻي وزيراعظم ۽ پاڪستان پيپلز پارٽي جي وائيس چيئرمين سيد يوسف رضا گيلاني جو چوڻ آهي ته آصفه ڀٽو زرداري پاڪستان ڊيموڪريٽڪ موومينٽ (پي ڊي ايم) جي ملتان ۾ ٿيندڙ جلسي ۾ اهم خطاب ڪندي. پي ڊي ايم جو ايندڙ جلسو 30 نومبر تي ملتان ۾ ٿيندو ۽ ان ڏينهن تي ئي پيپلز پارٽي جو يومِ تاسيس به آهي. پ پ پ چيئرمين بلاول ڀٽو زرداري ڪورونا ۾ مبتلا ٿيڻ کانپوءِ جلسي ۾ شرڪت نه ڪندو، پر هن وڊيو لنڪ ذريعي جلسي کي خطاب ڪر ڻ جو اعلان ڪيو آهي. اڳوڻي وزيراعظم يوسف رضا گيلاني صحافين سان ڳالهائيندي چيو ته 30 نومبر تي پيپلز پارٽي جو يومِ تاسيس آهي، ان ڏينهن آصفه ڀٽو زرداري به ملتان ايندي ۽ پي ڊي ايم جي ملتان ۾ ٿيندڙجلسي کي خطاب ڪندي. هن چيو ته حڪومت جلسو روڪي حالتون خراب ڪري رهي آهي، 30 نومبر تي جلسو هر صورت ۾ ٿيندو ۽ آصف زرداري به وڊيو لنڪ ذريعي جلسي کي خطاب ڪندو.
333
