ملتان (م ڊ/ويب ڊسڪ) اڳواڻي صدر آصف علي زرداري ۽ شهيد محترمه بينظير ڀٽو جي نياڻي آصفه ڀٽو زرداري جو ملتان پهچڻ تي وک وک تي ڪارڪنن شاندار استقبال ڪيو، جڏهن ته آصفه ڀٽو ڪارڪنن کي رستي ۾ ماسڪ پائڻ جي هدايت ڪئي، جلسي ۾ پهچڻ تي به شريڪ ڪارڪنن کي ماسڪ لڳائڻ جي هدايت هئي، آصفه ڀٽو ڪارڪنن کان نعرا لڳرايا ۽ هٿ لوڏي جواب پڻ ڏنو. پ پ چيئرمين بلاول ڀٽو زرداري جي ڀيڻ آصفه ڀٽو جلسي دوران ڏيهي توڙي پرڏيهي ميڊيا جي توجهه جو مرڪز بڻيل رهي، جڏهن ته جلسي ۾ شريڪ ڪارڪنن پڻ آصفه ڀٽو جي شرڪت تي خوشي جو اظهار ڪيو. پي ڊي ايم جلسي ۾ آصفه ڀٽو زرداري جي شرڪت ۽ خطاب تي سوشل ميڊيا صارفين پڻ پنهنجي خيالن جو اظهار ڪيو آهي، جلسي ۾ آصفه ڀٽو جي خطاب بابت فيس بڪ، ٽوئٽر ۽ انسٽاگرام تي صارفين توڙي ڪارڪنن پوسٽون رکي آصفه ڀٽو جي خطاب جي تعريف ڪندي لکيو ته اڄ آصفه ڀٽو ۾ شهيد بينظير ڀٽو نظر آئي.
268
