ميھڙ (ن سوڀ) تعلقي اسپتال ميھڙ ۾ پ پ پ ايم پي اي فياض علي خان ٻٽ غريب مسڪين ماڻهن لاءِ اکين جي آپريشن ٿيٽر اوٽي وارڊ جو افتتاح ڪيو. اڳوڻي صوبائي وزير فياض علي ٻٽ جي پھچڻ تي پ پ پ ڪارڪنن سندس شاندار استقبال ڪري گلن جي ورکا ڪئي. تقريب کي خطاب ڪندي ايم پي اي فياض علي خان ٻٽ چيو ته اڄ تعلقي اسپتال ۾ اکين جي شعبي جي آپريشن اوٽي وارڊ جو افتتاح ڪيو آهي، جنهن سان غريب مسڪين ماڻهن کي لاڀ ملندو، جيڪي مسڪين اکين جو آپريشن نه پيا ڪرائي سگھن، انھن کي ميھڙ تعلقي اسپتال ۾ آپريشن ڪري مفت لينس به لڳايا ويندا. ايم ايس ذوالفقار علي ڏيپر خطاب ڪندي چيو ته اسان شڪر گذار آهيون ايم پي اي فياض علي خان ٻٽ جا جن ڪوشش ڪري اسان کي اوٽي آپريشن جو وارڊ مقرر ڪرائي ڏنو،ان موقعي پ پ پ يوٿ ضلعي صدر مير مرتضيٰ ڳورڙ، اڳوڻي چيئرمين رياض احمد مھيسر، انجنيئر رياض کوسو، سگا اڳواڻ ڊاڪٽر ھيمن داس، ڊاڪٽر امام الدين کوسو، اعظم پنھور ، نياز ڏيپر ۽ ٻين شھرين وڏي تعداد ۾ شرڪت ڪئي.
288
