لاهور (ويب ڊيسڪ) سي ٽي ڊي اسلام آباد اسٽاڪ ايڪسچينج تي بم ڌماڪي جو منصوبو ناڪام بڻائيندي 3 دهشتگردن کي گرفتار ڪري ورتو آهي. سي ٽي ڊي لاهور پاران جاري ڪيل بيان ۾ چيو ويو آهي ته راولپنڊي بم ڌماڪن ۾ ملوث 3 دهشتگردن کي گرفتار ڪري وٽانئن ڌماڪيدار مواد هٿ ڪيو ويو آهي، گرفتار ٿيل دهشتگردن 4 ڌماڪا ڪرڻ جو اعتراف ڪيو آهي. سي ٽي ڊي مطابق دهشتگرد اسلام آباد اسٽاڪ ايڪسچينج تي ڌماڪو ڪرڻ چاهين پيا، دهشتگردن افغانستان سان رابطن جو انڪشاف ڪيو آهي، جڏهن ته کين پابندي مڙهيل تنظيم پاران فنڊنگ ڪئي وئي هئي.
257
