ڪراچي (ويب ڊيسڪ) اداڪار نويد رضا مشهور ويب شو ٽو بي اونيسٽ جي ميزبان تابش هاشمي کي ست سُريون ٻڌائي ڇڏيون، جنهن جو سبب تابش هاشمي پنهنجي پروگرام ۾ سينيئر اداڪار جاويد شيخ کي آن لائين گهرايو جيڪو 17 ڊسمبر تي نشر ڪيو ويندو، جنهن جا ڪجهه حصا سوشل ميڊيا تي شيئر ڪيا ويا آهن، جن کي ڏسڻ کان پوءِ اداڪار نويد رضا سخت ڪاوڙ جو اظهار ڪندي سوشل ميڊيا تي پنهنجي خيالن جو اظهار ڪيو. نويد رضا چيو ته انتهائي افسوس ڪندڙ ۽ بي عزتي آهي جو ميزبان مزاحيه ڪردار وارو نه لڳو، جاويد شيخ ان جي مذاق کي نظر انداز ڪيو ان باوجود هو مذاق ڪندو رهيو، نويد رضا جو چوڻ هو ته جاويد شيخ جهڙي شخصيت قابل احترام آهي ان کي سستي شهريت جي لاءِ استعمال ڪري نه سگهجي، نويد رضا پروگرام جي ميزبان تابش هاشمي کان معافي جو مطالبو ڪندي ان جي عمل کي شرمناڪ قرار ڏنو.
267
