ڪراچي (ويب ڊيسڪ) ڪراچي جي علائقي پيتل داس ڪمپائونڊ ويجهو پراسرار ڌماڪي ۾ 2 نوجوان زخمي ٿي پيا آهن. نپيئر ٿاڻي جي علائقي ۾ واقع پوليس ڪوارٽرز پيتل داس ڪمپائونڊ ويجهو پراسرار ڌماڪي جي نتيجي ۾ بابر ۽ دانيال زخمي ٿي پيا، جن کي سول اسپتال منتقل ڪيو ويو آهي. ڌماڪي جو اطلاع ملندي ئي ايس ايس پي سٽي سرفراز نواز سميت ٻيا پوليس ۽ رينجرز اهلڪار واقعي واري هنڌ پهتا، جتي بم ڊسپوزل اسڪواڊ عملي به جائزو ورتو. ان موقعي تي ايس ايس پي سرفراز نواز جو چوڻ هو ته زخمي نوجوان ٻڌايو آهي ته هو باهه ٻاري هٿ سيڪي رهيا هئا ته ان دوران هنن ڪا شيءَ کنئي جيڪا ڌماڪي سان ڦاٽي پئي، بم ڊسپوزل اسڪواڊ به جائزو ورتو آهي، معاملي جي جاچ ڪري رهيا آهيون.
224
