بخشاپور( ن سوڀ) بخشاپور ويجهو ڳوٺ محڪم الدين ڊومڪي ۾ پورهيت هاري رحيم بخش گولاٽو جو 8 ورهين جو معصوم پٽ شوڪت گولاٽو پراسرار بيماري سبب گهمڻ ڦرڻ کان لاچار ٿي ويو آهي، معصوم نينگر جي والد رحيم بخش ۽ امڙ صحافين سان ڳالهائيندي چيو ته هڪ سال جي عمر ۾ هن کي تيز بخار ٿيو، رحيم يار خان جي اسپتال ۾ علاج ڪرائڻ کانپوءِ هي هلڻ کان لاچار ۽ دماغي توازن به وڃائي ويٺو. هنن چيو ته گهر جو الهھ تلھه کپائي سکر ۽ لاڙڪاڻي جي اسپتال مان علاج ڪرائڻ بعد به معصوم پٽ جي طبيعت ۾ سڌاريو ڪونه اچي سگهيو آهي، غربت سبب پٽ جو وڌيڪ علاج نٿا ڪرائي سگهون. هنن سنڌ جي وڏي وزير، صحت کاتي جي وزير، ڊي سي ڪشمور ۽ ڊي ايڇ او ڪشمور کي اپيل ڪندي چيو ته معصوم ٻچڙي جو سرڪاري خرچ تي علاج ڪرايو وڃي ته جيئن هو معذوري واري زندگي گذارڻ کان بچي سگهي.
269
