قصور ۾ اڻڄاتل هٿياربندن فائرنگ ڪري پوليس اهلڪار کي قتل ڪري ڇڏيو

قصور (ويب ڊيسڪ) قصور جي علائقي حاجي شاهه شريف محلي ۾ اڻڄاتل موٽرسائيڪل سوار هٿياربندن فائرنگ ڪري پوليس اهلڪار کي قتل ڪري ڇڏيو، مقتول محمد سليم پيٽرولنگ چوڪي کارا روڊ تي ڊيوٽي سرانجام ڏيندو هو ۽ ٽن ٻارڙن جو پيءُ هو. پوليس مطابق محمد سليم پنهنجي گهر واري کي ڊي ايڇ ڪيو اسپتال مان دوا وٺرائي گهر وڃي رهيو هو ته رستي ۾ موٽرسائيڪل سوارن کيس روڪيو، پوليس اهلڪار جي گهر واري کي روڊ تي بيهاري سندس آڏو اهلڪار کي گوليون هڻي قتل ڪري فرار ٿي ويا.