آرٽسٽ ڪيلي ۽ ان جي کلن تي حيرت انگيز آرٽ جو ڪم ڪري ڏسڻ وارن کي حيران ڪري ڇڏيو

ڪورونا وائس ۽ ان جي ڪري آيل تباهي جتي ماڻهن کي خوف ۾ مبتلا ڪري ڇڏيو آهي، اتي ڪيترائي ماڻهو خاموشي سان پنهنجي صلاحيتن کي اجاگر ڪرڻ لاءِ ڪوشان آهن. انهن ۾ آرٽسٽ انا چوجنيڪا به شامل آهي، جنهن  ڪيلي جي کلن تي بهترين آرٽ جو ڪم ڪري پنهنجي صلاحيتن کي دنيا آڏو پيش ڪري آرٽ جي شوقينن کي حيران ڪري ڇڏيو آهي.ڪينوس ۽ ڪاغذ بجاءِ انا چوجنيڪا ڪيلي ۽ انهن جي کلن کي استعمال ڪندي آرٽ جي برشن سان شاهڪار تصويرون تيار ڪري رهي آهي. انا چوجنيڪا پنهنجي ڪم کي سوشل ميڊيا جي ويب سائيٽ انسٽاگرام تي اپ لوڊ ڪري رهي آهي جتي ڏسندڙ ماڻهو سندس آرٽ جي تعريف ڪري رهيا آهن