ڪراچي (ويب ڊيسڪ) آئيلينڊ اٿارٽي آرڊيننس جو مدو ختم ٿي ويو آهي، پي ٽي آءِ کي خبر هئي ته پارليامينٽ ۾ اڪثريت نه هجڻ سبب آرڊيننس منظور نه ٿيندو، تنهنڪري آرڊيننس کي پارليامينٽ ۾ پيش نه ڪيو ويو، اهڙن خيالن جو اظهار سنڌ حڪومت جي ترجمان مرتضيٰ وهاب ڪيو. ڪراچي ۾ پرس ڪانفرنس ڪندي اظهار سنڌ حڪومت جي ترجمان مرتضيٰ وهاب جو چوڻ هو ته ڏنگي ۽ ڀنڊار سوڌو سمورا ٻيٽ صوبائي حڪومت جي ملڪيت آهن، آئيلينڊ اٿارٽي آرڊيننس جو مدو ختم ٿي ويو آهي، پي ٽي آءِ کي خبر هئي ته پارليامينٽ ۾ اڪثريت نه هجڻ سبب آرڊيننس منظور نه ٿيندو، تنهنڪري آرڊيننس کي پارليامينٽ ۾ پيش نه ڪيو ويو. مرتضيٰ وهاب اسٽيل ملز واري معاملي تي وفاق کي ايندڙ هفتي خط لکڻ جو اعلان ڪندي چيو ته آدمشماري ۾ سنڌ جي آبادي کي گهٽ ڏيکارڻ جا ثبوت موجود آهن، اميد ته متحده آدمشماري واري معاملي تي سنڌ حڪومت سان گڏجي ڪم ڪندي. هن چيو ته سنڌ ۾ جيلن ۽ قيدين بابت نئين قانون تي عمل شروع ٿي ويو آهي، نئين قانون تحت بيمار قيدي کي 4 هفتن لاءِ رليف طور آزاد ڪيو ويندو، هاڻي پوليس ايف آءِ آر جي بنياد تي گرفتاريون نه ڪري سگهندي، ثبوت ملڻ کانپوءِ جوابدار کي گرفتار ڪيو ويندو.
206
