نواب ولي محمد ۾ پيرسن کي رولو ڪتي ڏاڙهي وڌو، وئڪسين نه ملڻ خلاف احتجاج

نواب ولي محمد (ن سوڀ) يوسي احمد ٻگهيو جي ڳوٺ وريل چانڊيو ۾ معذور پيرسن دوست محمد چانڊيو کي رولو ڪتي ڏاڙهي وڌو، معذور پيرسن کي قاضي احمد اسپتال مان وئڪسين نه ملي. نواب ولي محمد پريس ڪلب ۾ احتجاج ڪندي پيرسن دانهيندي چيو آهي ته مسڪين آهيان، نواب ولي محمد شهر ۾ واڻ وڪڻي گهر هلايان ٿو، رولو ڪتي ڄنگهه ۾ چڪ هنيو آهي پر قاضي احمد اسپتال ۾ وئڪسين ڊاڪٽر نه ٿا ڏين چون ٿا اڄ آچر تي موڪل آهي سڀاڻي اچجان. هن ڊي ايڇ او هيلٿ کي اپيل ڪئي آهي ته وئڪسين ڪرائي وڃي.