وهاڙي (ويب ڊيسڪ) وهاڙي ۾ قرآن حفظ ڪندڙ شاگرد کي سبق ياد نه هجڻ تي استاد تشدد جو نشانوبڻايو، 8 ورهين جو ٻار تشدد جي سٽ نه سهندي دم ڏنو، پوليس جوابدار کي گرفتار ڪري ورتو آهي. پوليس مطابق واقعو صدر ٿاڻي جي حد چڪ 214 اي بي بنگالا ۾ پيش آيو، جتي مدرسي ۾ قرآن حفظ ڪندڙ 8 ورهين جو شاگرد مبشر ياسين کي سبق ياد نه هجڻ تي استاد عمران يعقوب تشدد جو نشانو بڻايو، جتي ٻار جي حالت خراب ٿي وئي جنهن کي اسپتال نيو پئي ويو ته هن رستي ۾ دم ڏنو. واقعي جو اطلاع ملندي ئي پوليس جوابدار عمران يعقوب کي گرفتار ڪري ورتو، جڏهن ته ٻار جو لاش ڊي ايڇ ڪيو اسپتال مان پوسٽ مارٽم بعد وارثن حوالي ڪيو ويو.
187
