راولپنڊي (ويب ڊيسڪ) پاڪستان پاران روايتي هٿيارن کي کڻي ويندڙ راڪيٽ جي ڪامياب لانچنگ ڪئي وئي آهي. پاڪ فوج جي سڌ سماءَ واري شعبي آءِ ايس پي آر مطابق پاڪستان مقامي طور تي تيار ڪيل ملٽي راڪيٽ لانچ ”فتح 1“ جو ڪامياب تجربو ڪيو آهي، جيڪو روايتي هٿيارن کي 140 ڪلوميٽر تائين کڻي وڃڻ جي صلاحيت رکي ٿو. آءِ ايس پي آر مطابق هي تجربو پاڪ آرمي کي دشمنن جي علائقي ۾ هدف کي ڪاميابي سان نشانو بڻائڻ جي صلاحيت فراهم ڪندو. صدر مملڪت، وزيراعظم، چيئرمين جوائنٽ چيفس آف اسٽاف ڪميٽي ۽ آرمي چيف ڪامياب تجربي تي هٿياربند فوج ۽ سائنسدانن کي مبارڪ پيش ڪئي آهي.
186
