مورو (رپورٽ: جماڻي بخشل احمد) مورو ٿاڻي ۾ 2 سوئر اوچتو ڪاھجي پيا، پوليس اھلڪارن ۾ ڀاڄ، جان بچائڻ لاءِ ٿاڻي جا دروازا بند ڪري ڇڏيا، سوئر ٿاڻي اندر ڪل ۾ لڪي ويا، اھڙي اطلاع تي سوين شھري ٿاڻي جي ٻاھران گڏ ٿي ويا ۽ سوئرن کي ڏسڻ لڳا، بعد ۾ مورو ٿاڻي جي پوليس باگڙين کي اطلاع ڏنو، جيڪي پنھنجي ڪتن سميت مورو ٿاڻي ۾ پھچي ويا ۽ ھڪ سوئر کي ڪتن قابو ڪري ورتو، جنھن کي باگڙي ٻڌي چنگچي رڪشا ۾ کڻي ويا، جڏھن ته ھڪ سوئر اڃا ٿاڻي جي ڪل ۾ لڪل آھي، جنھن جي ڳولا جاري آھي، جڏھن ته سوئر جي ڪري ٿاڻي ۾ رھندڙ پوليس اھلڪار ۽ سندن ٻارڙا خوف ۾ ورتل آھن ۽ پنھنجي گھرن جا دروازا بند ڪري ڇڏيا آھن، جڏھن ته پڪڙيل سوئر باگڙين شھر کان ٻاھر کڻي ڪتا ڇڏي مارائي ڇڏيو.
186
