ڪراچي (ويب ڊيسڪ)ڪراچي جي اپر گذري واري علائقي ۾ اڻڄاتل جوابدارن گهر ۾ گهڙي کدڙي فقير کي بيدردي سان قتل ڪري ڇڏيو آهي. پوليس مطابق اپر گذري ويجهو کدڙي فقير جو سندس گهر مان تشدد ٿيل لاش مليو آهي، کيس گهر اندر گهڙي بيدرديءَ سان قتل ڪيو ويو آهي. پوليس مطابق کدڙي فقير جي سڃاڻپ گڊو طور ٿي آهي، کيس سخت تشدد جو نشانو بڻايو ويو آهي، سندس پيرن، منهن ۽ جسم جي ٻين هنڌن تي تشدد ڪيو ويو، کيس نشي واري شيءَ پياري تيز اوزار سان ذبح ڪري کيس قتل ڪيو ويو آهي. لاش اسپتال منتقل ڪري جوابدارن جي ڳولا ڪئي پئي وڃي.
186
