نئين دهلي (ويب ڊيسڪ) ڀارتي هاري مودي سرڪار کي ڏکيو وقت ڏيڻ لاءِ تيار ٿي ويا آهن ۽ مظاهرين نام نهاد ڀارتي يوم جمهوريه جي موقعي تي رڳو هريانه مان هڪ لک ٽريڪٽر آڻڻ جو اعلان ڪري ڇڏيو آهي. نجي ٽي وي چينل موجب ڀارت ۾ هارين جي ٽريڪٽرن تي 26 جنوري تي دهلي پهچڻ جون تياريون اوج تي پهتل آهن، هريانه، پنجاب ۽ راجستان سميت مختلف رياستن مان هارين 20 جنوري کان ئي ٽريڪٽر مارچ شروع ڪرڻ جي منصوبابندي ڪري ورتي آهي. دهلي ٻاهران سنگو بارڊر تي ڌرڻي ۾ ماڻهن جو انگ پڻ وڌي رهيو آهي، هاري اڳواڻن تڪراري زرعي قانونن جي واپسي تائين پوئتي نه هٽڻ جو اعلان ڪري ڇڏيو آهي. واضح رهي ته حڪومت ۽ مظاهرين وچ ۾ ڳالهين جا 9 مرحلا ناڪام ٿي چڪا آهن.
178
