ڄامشورو (ڊسٽرڪٽ رپورٽر) ڀان سيد آباد ۾ ميڊيڪل جي شاگردياڻي کي مبينا طور زهر پياري قتل ڪيو ويو آهي. رپورٽن مطابق ڀان سيد آباد ۾ ميڊيڪل ۾ پڙهندڙ شاگردياڻي ثنا ولد امين آرائين کي مبينا طور زهر پياري قتل ڪيو ويو آهي. مقتولا ثنا آرائين جي پيءُ امين آرائين صحافين کي ٻڌايو ته ڌيءُ ثنا جوابدار صدام ميمڻ کي 23 لک رپيا ڏنا هئا، واپس گهرڻ تي کيس زهر پياري قتل ڪيو آهي. هن اهو به الزام مڙهيو آهي ته صدام ميمڻ جي ليبارٽري آهي، دوستي جي آڙ ۾ هن منهنجي معصوم ڌيءُ کان سونا زيور ۽ روڪ رقم ورتي هئي، واپسي تان هن ڊرامو رچائي ڌيءُ کي زهر ڏئي قتل ڪيو آهي، کيس گرفتار ڪري سزا ڏني وڃي.
189
