لاهور (ويب ڊيسڪ) پاڪستان ميڊيڪل ڪونسل پنجاب جي 20 سرڪاري ميڊيڪل اينڊ ڊينٽل ڪاليجن ۾ 283 سيٽون گهٽ ڪري ڇڏيون آهن. پاڪستان ميڊيڪل ڪونسل سڀ کان وڌيڪ سيٽون ڏکڻ پنجاب ۾ واقع ميڊيڪل ڪاليج ۾ گهٽايون آهن، گهٽ ڪيل سيٽون 10 سال اڳ وڌايون ويون هيون، فيصلي تي عمل هن ئي سال ڪيو ويندو. گذريل سال ايم بي بي ايس ۽ بي ڊي ايس ۾ 3 هزار 621 اميدوارن کي داخلا ڏني وئي هئي، هن سال انهن ئي ڪلاسن ۾ 283 سيٽون گهٽائي 3 هزار 338 اميدوارن کي داخلا ڏني ويندي، جڏهن ته ايم بي بي ايس ۾ 267 ۽ بي ڊي ايس ۾ 16 سيٽون گهٽ ٿيون آهن. ٻئي پاسي سرڪاري ميڊيڪل اينڊ ڊينٽل ڪاليجز ۾ اوچتو 283 سيٽون گهٽجڻ تي شاگردن ۾ ڳڻتي جي لهر پکڙجي وئي آهي، شاگردن جو چوڻ آهي ته جيڪڏهن حڪومت سيٽون گهٽائڻ وارو فيصلو واپس نه ورتو ته احتجاج وارو رستو اختيار ڪيو ويندو.
159
