اسلام آباد (ويب ڊيسڪ) وزيراعظم جي پارلياماني معاملن واري صلاحڪار ڊاڪٽر بابر اعواڻ چيو آهي ته حڪومت سينيٽ ۽ قومي اسيمبلي جا اجلاس گهرائڻ جو فيصلو ڪيو آهي جنهن موجب قومي اسيمبلي ۽ سينيٽ جا اجلاس جمعي جي صبح منعقد ٿيندا. جاري ڪيل بيان ۾ هن چيو ته پارليامينٽ جو اجلاس گهرائڻ لاءِ هن وزيراعظم سان مشاورت ڪئي آهي، سينيٽ ۽ قومي اسيمبلي جا اجلاس هڪ ئي ڏينهن گهرائڻ تي اتفاق ٿيو آهي، هن چيو ته پي ڊي ايم کي عوام رستن تي رد ڪري ڇڏيو آهي ان لاءِ هاڻي هائوس ۾ واپس اچي وڃن، انتشار بدران عملي ۽ عوامي خدمت لاءِ ايوان ۾ ڪردار ادا ڪن، هن چيو ته سينيٽ ۽ قومي اسيمبلي جو اجلاس 22 جنوري جمعي جي صبح طلب ڪيو ويو آهي، سينيٽ جو اجلاس صبح 10 وڳي ۽ قومي اسيمبلي جو اجلاس ساڍي 10 وڳي ٿيندو، اجلاس گهرائڻ کان اڳ اين سي او سي کان تحريري هدايتون به ورتيون ويون آهن.
214
