ڊربن (ويب ڊيسڪ) پاڪستان خلاف ٽين عالمي ٽي ٽوئنٽي ميچن جي سيريز لاءِ 18 ميمبرن تي ٻڌل ڏکڻ آفريقي اسڪواڊ جو اعلان ڪيو ويو آهي. هينرڪ ڪلاسين ٽيم جي قيادت ڪندو. ڪرڪيٽ ڏکڻ آفريقا طرفان پاڪستان جي دوري ۾ٽي ٽوئنٽي سيريز لاءِ اعلان ڪيل ٽيم ۾ ٽن نون رانديگرن کي موقعو ڏنو ويو آهي. فاسٽ بالر اڪوالي سيلي، وڪٽ ڪيپر بيٽسمين ريان ريڪلئون ۽ آف اسپنر جيڪ اسنين پهريون ڀيرو ڏکڻ آفريقا جي نمائندگي ڪندا، جڏهن ته ڊيووڊملر اينڊلي فلوڪ وايور ، ريزاهينڊرڪس ۽ جون سمٽس جهڙا تجربي ڪار رانديگر پڻ شامل آهن. ڏکڻ آفريقي 18 ميمبرن تي ٻڌل اسڪواڊ ۾ ڪپتان هينرگ ڪلاسين شامل آهي، جڏهن ته ٻين رانديگرن ۾ نندري برگرم، اڪولي سيلي، جونيئر ڊالا، بجورين فورٽون، ريزا هينڊرڪس، جارج لنڊي، جانيمن ملان، ڊيوڊ ملر، انڊيلي فلوڪ وايو، ڊوائن پريٽورس، ريان رڪلون، تبريز شمسي، لوٿو سمپلا ، جون سمٽس، پائٽ وان، گلينٽون اسٽرمين ۽ جيڪ اسنيمن شامل آهن.
180
