161

ملڪ ۾ ڪورونا سبب وڌيڪ 64 ڄڻا حياتيون وڃائي ويٺا، 1910 نوان ڪيس ظاهر

اسلام آباد (ويب ڊيسڪ) ملڪ ۾ ڪورونا سبب وڌيڪ  64 ڄڻا حياتيون وڃائي ويٺا آهن، جڏهن ته 1910 نوان ڪيس ظاهر ٿيا آهن. نيشنل ڪمانڊ اينڊ آپريشن سينٽر پاران جاري انگن اکرن موجب سڄي ملڪ ۾ 1 هزار 910 ماڻهن جا ڪورونا ٽيسٽ پازيٽو آيا ۽ 64 ماڻهو ان وائرس سبب فوت ٿيا جن مان 58 ماڻهو اسپتالن ۾ ۽ 6 مريض گهرن ۾ قرنطينه دوران فوت ٿيا. ملڪ جي چئن وڏن شهرن ۾ وينٽيليٽرز تي ڪوويڊ – 19 جي مريضن جي تناسب جي لحاظ کان ملتان ۾ 32 سيڪڙو، لاهور ۾ 34 سيڪڙو، اسلام آباد ۾ 40 سيڪڙو ۽ پشاور ۾ 28 سيڪڙو مريض آهن. اهڙي طرح ملڪ جي چئن وڏن شهرن ۾ آڪسيجن جي سهولت وارن بسترن تي ڪورونا جي مثبت ڪيسن جي تناسب جي لحاظ کان پشاور ۾ 42 سيڪڙو، ملتان ۾ 36 سيڪڙو، ڪراچي ۾ 36 سيڪڙو ۽ راولپنڊي ۾ 23 سيڪڙو مريض آهن. گذريل 24 ڪلاڪن دوران ڪوويڊ – 19 جا 40 هزار 821 ٽيسٽ ڪيا ويا جن مان سنڌ ۾ 11 هزار 164، پنجاب ۾ 15 هزار 341، خيبرپختونخواهه ۾ 7 هزار 255، اسلام آباد ۾ 5 هزار 773، بلوچستان ۾ 577، گلگت بلتستان ۾ 319، آزاد ڪشمير ۾ 392 ٽيسٽ شامل آهن. هيستائين سڄي ملڪ ۾ ڪوويڊ 19 مان صحتياب ٿيندڙن جو انگ 4 لک 94 هزار 578 ٿي چڪو آهي.گلگت بلتستان، آزاد ڪشمير ۽ بلوچستان ۾ ڪوويڊ 19 جو ڪو به مريض هن وقت وينٽيليٽر تي نه آهي، جڏهن ته سڄي ملڪ ۾ ڪوويڊ 19 جي لاءِ مخصوص ڪيل وينٽيليٽرز تي ڪوويڊ 19 جا 299 مريض آهن. سڄي ملڪ ۾ ڪوويڊ 19 جي ايڪٽو ڪيسز جو انگ 33 هزار 925  آهي. سڄي ملڪ ۾ ڪورونا وائرس کان متاثر ماڻهن جو انگ 5 لک 39 هزار 387 آهي جن مان آزاد ڪشمير ۾ 8 هزار 931، بلوچستان ۾ 18 هزار 788، گلگت بلتستان ۾ 4 هزار 906، اسلام آباد ۾ 41 هزار 76، خيبرپختونخواهه ۾ 66 هزار 198، پنجاب ۾ 1 لک 55 هزار 808 ۽ سنڌ ۾ 2 لک 43 هزار 983 مريض آهن. سڄي ملڪ ۾ ڪوويڊ 19 سبب فوت ٿيندڙن جو انگ 11 هزار 514 آهي جن مان سنڌ ۾ 3 هزار 957 فوتگيون، جڏهن ته گذريل 24 ڪلاڪن دوران 27 مريض اسپتالن ۾ ۽ 5 مريض گهرن ۾ قرنطينه دوران ان وائرس سبب فوت ٿيا. پنجاب ۾ 4 هزار 661 فوتگيون جڏهن ته گذريل 24 ڪلاڪن دوران 14 مريض اسپتالن ۾ جڏهن ته 1 مريض گهرن ۾ ان وائرس سبب فوت ٿيو، خيبرپختونخواهه ۾ 1 هزار 870 فوتگيون جڏهن ته گذريل 24 ڪلاڪن دوران 13 مريض اسپتالن ۾ ان وائرس سبب فوت ٿيا، اسلام آباد ۾ ڪل  472 فوتگيون  ٿيون، جڏهن ته گذريل 24 ڪلاڪن دوران 3 مريض اسپتال ۾ ان وائرس سبب فوت ٿيا، بلوچستان ۾ 193 فوتگيون، گلگت بلتستان ۾ 102 فوتگيون، آزاد ڪشمير ۾ ان وائرس سبب 259 فوتگيون ٿي چڪيون آهن. جڏهن ته گذريل 24 ڪلاڪن دوران هڪ مريض اسپتال ۾ ان وائرس سبب فوت ٿيو. هيستائين سڄي ملڪ ۾ ڪوويڊ – 19 جا 78 لک 4 هزار 935 ٽيسٽ ڪيا ويا آهن. سڄي ملڪ ۾ ڪوويڊ 19 جي علاج جي لاءِ مخصوص 631 اسپتالن ۾ 2 هزار 628 مريض علاج هيٺ آهن.

هن خبر تي پنهنجي راءِ جو اظهار ڪريو.

پنهنجي راءِ ڏيو