اسلام آباد (ويب ڊيسڪ) ايشيائي ترقياتي بئنڪ پاڪستان لاءِ 10 ارب ڊالر قرض ڏيڻ جي منظوري ڏئي ڇڏي آهي، ڄاڻايل رقم 5 سالن دوران ڏني ويندي. ايشيائي ترقياتي بئنڪ جي قرض پروگرام جو مقصد ڪورونا سبب پيش آيل معاشي ۽ سماجي چئلينجن کي منهن ڏيڻ ۽ نقصان جي ازالي لاءِ پاڪستان کي سهارو ڏيڻ آهي. ايشيائي ترقياتي بئنڪ قرض واري رقم 2021ع کان 2025ع تائين فراهم ڪندي. بئنڪ ڊائريڪٽر مطابق خطي ۾ سمورن ملڪن جيان پاڪستان به ڪورونا سبب سخت متاثر ٿيو، لون پروگرام سان پاڪستان کي سماجي ۽ معاشي مسئلن کي منهن ڏيڻ ۽ ٿيل نقصان جي ازالي لاءِ مدد ملندي.
147
