ڄامشورو (ڊسٽرڪٽ رپورٽر) سنڌ يونيورسٽي ۽ ان جا سمورا ڪئمپس باضابطا طور تي کولڻ وارو نوٽيفڪيشن جاري ڪيو ويو آهي. سنڌ يونيورسٽي انتظاميا پاران جاري ڪيل نوٽيفڪيشن ۾ ڄاڻايو ويو آهي ته ڪورونا کان بچاءُ وارين ايس او پيز تحت پھرين فيبروريءَ کان مڙني ڪئمپسن کي شاگردن لاءِ کوليو ويندو. ان سلسلي ۾ سنڌ يونيورسٽي جي ترجمان جو چوڻ هو ته پھرين فيبروري کان سنڌ يونيورسٽي جا شاگرد پنھنجي حاضري يقيني بڻائين، سنڌ يونيورسٽي جي مين ڪئيمپس سميت سمورا ڪئمپس پھرين فيبروري کان شاگردن لاءِ کوليا ويندا. ترجمان مطابق ڪورونا سبب شاگردن جي متاثر ٿيل تعليم جو خال ڀرڻ لاءِ استاد ڀرپور ڪوشش ڪري رهيا آهن، ڪورونا کان بچا واري ايس او پيز تي شاگردن کي عمل ڪرڻ جو سختي سان پابند ڪيو ويو آهي.
269
