لاڙڪاڻو(بيورو رپورٽ) ميهڙ ڀرسان گاجي روڊ تي موٽر سائيڪل جو ٻئي موٽر سائيڪل کي پويان ٽڪر لڳڻ جي نتيجي ۾ ميهڙ تعلقي جي ڳوٺ خدا داد کوسو جو رهواسي 60 ورهين جي محمد نواز کوسو سخت زخمي ٿي پيو، جنهن کي وارث کڻائي لاڙڪاڻي جي چانڊڪا اسپتال جي ايمرجنسي وارڊ منتقل ڪيو ويو، جتي ڊاڪٽرن پاران زخمي پيرسن جي فوت ٿيڻ تصديق ڪئي آهي. ان موقعي تي فوتي پيرسن جي ڀاڻيجي عبدالغني کوسو ٻڌايو ته منهنجو مامو پنهنجي ڳوٺ کان ميهڙ شهر وڃي رهيو هو ته رستي ۾ حادثو پيش آيو جنهن ۾ هو فوت ٿي ويو آهي ۽ ان جو پٽ عبدالخالق کوسو سخت زخمي ٿي پيو، جنهن جو علاج لاڙڪاڻي جي چانڊڪا اسپتال جي ايمرجنسي وارڊ ۾ جاري آهي.
173
