لاڙڪاڻو (رپورٽ: اياز ساريو) شهيد راڻي محترمه بينظير ڀٽو ۽ اڳوڻي صدر آصف علي زرداري جي وڏي نياڻي بختاور ڀٽو زرداري ڪراچي ۾ ٿيل شادي کانپوءِ نئون ديرو هائوس پهچي وئي. شاديءَ کانپوءِ پهريون ڀيرو بختاور ڀٽو زرداري پنهنجي ور سان گڏ ڳڙهي خدا بخش پهتي، جتي بختاور ڀٽو زرداري ۽ سندس مڙس محمود چوڌري شهيد بينظير ڀٽو، شهيد ذوالفقار علي ڀٽو ۽ ٻين شهيد جي مزار تي حاضري ڀري دعا گهري، بختاور ڀٽو ۽ سندس مڙس جي حاضري دوران مزار ۾ عام ماڻهن جي داخلا تي پابندي لڳائي وئي ۽ سيڪيورٽي سخت ڪئي وئي، جڏهن ته ٻنهي گهوٽ ڪنوار مزار جا مختلف حصا پڻ گھميا.
314
