لاهور (ويب ڊيسڪ) قومي ڪرڪيٽ ٽيم جي اڳوڻي ڪپتان ۽ مشهور بيٽسمين انضمام الحق 18 سالن کانپوءِ ڏکڻ آفريڪا کي ٽيسٽ سيريز ۾ شڪست ڏيڻ تي پاڪستان ڪرڪيٽ ٽيم کي مبارڪون پيش ڪيون آهن. هن چيو ته نوجوان ٽيم هوم گرائونڊ ۾ اعليٰ ڪارڪردگي جو مظاهرو ڪيو، اها ڪاميابي ٽيم ورڪ جو نتيجو آهي. هن چيو ته پاڪستان ٽنهن شعبن ۾ بهترين راند جو مظاهرو ڪيو، فيلڊنگ ۾ شاندار ڪيچز، فواد عالم ۽ محمد رضوان جي سينچرين ۽ پوءِ ٽيسٽ ميچ ۾ اسپنرز کانپوءِ ٻين ٽيسٽ ميچ ۾ حسن علي ۽ شاهين شاهه آفريدي جي شاندار بالنگ پاڪستان کي ڪاميابي ڏياري. اڳوڻي ڪپتان جو وڌيڪ چوڻ هو ته ٽيم مئنيجمينٽ تعريف جوڳي آهي، مصباح الحق ۽ وقار يونس خان لاءِ اها سيريز گهڻي اهم هئي پر انهن ٽنهن تجريبڪار ڪرڪيٽرن تحمل جو مظاهرو ڪيو ۽ رانديگرن کي بهترين سپورٽ فراهم ڪئي، جنهن جي نتيجي ۾ پاڪستان کي فتح حاصل ٿي.
167
