افغان جنگي جهازن جي بمباري سان ٻن گروپ ڪمانڊرز سميت 27 عسڪريت پسند مارجي ويا

ڪابل (ويب ڊيسڪ) افغانستان جي هلمند صوبي جي ڪيترن ئي علائقن ۾ افغان جنگي جهازن طالبان عسڪريت پسندن جي ٺڪاڻن تي حملا ڪيا جنهن جي نتيجي ۾ ٻن گروپ ڪمانڊر سميت 27 عسڪريت پسندن جي مارجڻ جي تصديق ٿي آهي. چيني سڌ سماءَ وارن ذريعن موجب افغان فوج هڪ بيان ۾ ٻڌايو ته ڪابل کان 555 ڪلوميٽر ڏکڻ هلمند صوبي جي نوا نهر سراج ۽ گرم سير ضلعن جي ڪجهه حصن تي حملا ڪيا ويا جنهن جي نتيجي ۾ ٻن گروپ ڪمانڊرن سميت 27 عسڪريت پسند مارجي ويا ۽ 3 زخمي ٿي پيا. واضح رهي ته طالبان عسڪريت پسندن طرفان اڃان تائين انهن هوائي حملن تي ڪو بيان سامهون ناهي آيو.