اتر وزيرستان ۾ گهر اندر گئس سلينڊر جو ڌماڪو، 3 ڄڻا فوت، 7 زخمي

ميران شاهه (ويب ڊيسڪ) اتر وزيرستان ۾ گهر اندر گئس سلينڊر ڌماڪي جي نتيجي ۾ ٻن ٻارڙن سوڌو 3 ڄڻا فوت ۽ 7 زخمي ٿي پيا آهن. رپورٽن مطابق سلينڊر ڌماڪي وارو واقعو مير علي جي ڳوٺ خدي ۾ پيش آيو، جتي هڪ گهر اندر سلينڊر ڦاٽڻ سبب ٻن ٻارڙن سوڌو 3 ڄڻا فوت ۽ عورت سميت 7 ڄڻا زخمي ٿي پيا. فوتين جا لاش ۽ زخمين کي مير علي اسپتال منتقل ڪيو ويو، جڏهن ته فوتين ۽ زخمين جو تعلق هڪ ئي ڪٽنب سان ٻڌايو پيو وڃي.