خيرپور/راڻيپور (رپورٽ: ثناءُ الله ميمڻ/آغا منظور انصاري) خيرپور پوليس جي اهم ڪارروائي، ٻارڙا اغوا ڪري وڪرو ڪندڙ گروهه گرفتار، 2 ٻارڙيون هٿ، ان سلسلي ۾ سنڌ هاءِ ڪورٽ جي حڪم تي راڻيپور جي ڪچي آبادي ۾ ڪارروائي ڪري 3 جوابدار گرفتار ڪيا ويا، گرفتار جوابدارن ۾ گل حسن عرف گلو رند ڪلهوڙو، زاهد رند ڪلهوڙو ۽ پنجاب واسي مظهر حسين انصاري شامل آهن، هوڏانهن گرفتار جوابدارن وٽان اغوا ڪيل ٻه ٻارڙيون 4 ورهين جي ڪنيز ۽ غلام فاطمه کي بازياب ڪرائي ورتو، جڏهن ته جوابدارن کي لاڪ اپ ڪيو ويو آهي، هوڏانهن ڊي ايس پي گمبٽ مقصود احمد آغاڻي ۽ ايس ايڇ او راڻيپور حاڪم جلباني پريس ڪانفرنس ڪندي ٻڌايو ته ايس ايس پي جي حڪم تي معصوم ٻارڙن کي اغوا ڪري وڪرو ڪندڙ گروهه جي هڪ جوابدار گل حسن عرف گلو رند ڪلهوڙي کي راڻيپور جي ڪچي آبادي مان گرفتار ڪيو ۽ سندس نشاندهي تي جيڪب آباد ۽ نوابشاهه جي مختلف علائقن ۾ ڇاپا هڻي وڌيڪ 2 ٻيا جوابدار گرفتار ڪري اغوا ڪيل ٻارڙيون هٿ ڪيون آهن.
155
