کيبر ڀرسان ڪار جو موٽرسائيڪل کي ٽڪر، هڪ ڄڻو فوت، ٻيو زخمي

کيبر(ن سوڀ) کيبر لڳ آخوند پيٽرول پمپ وٽ ڪار ۽ موٽر سائيڪل وچ ۾ ٽڪر جي نتيجي ۾ هڪ ڄڻو فوت ۽ ٻيو زخمي ٿي پيو آهي. کيبر لڳ آخوند پيٽرول پمپ وٽ ڪار ۽ موٽر سائيڪل وچ ۾ ٽڪر ٿي پيو، جنهن جي نتيجي ۾ موٽر سائيڪل سوار امداد کوسو ولد ڪيوڙو موقعي تي فوت ٿي ويو ۽ ٻيو مير محمد چھواڻ ولد تڳيو سخت زخمي ٿي پيو، حادثي واري جاءِ تي بروقت موٽروي پوليس ۽ کيبراڻي حد جي پوليس پهچي لاش ۽ زخمي کي تعلقي اسپتال مٽياري منتقل ڪيو. موٽروي پوليس ڪار جو پيڇو ڪندي ڪار نمبر BJJ. 734 بلو هنڊا کي ڀٽ شاھ ۾ پڪڙي ورتو، ڪار ڪراچي کان لاهور طرف وڃي رهي هئي.