ساهيوال (ويب ڊيسڪ) ساهيوال ۾ ڊاڪٽر کي اغوا ڪري ڀنگ وصول ڪندڙ 2 جوابدار مبينا پوليس مقابلي دوران مارجي ويا آهن. پوليس ترجمان مطابق جوابدارن جي گرفتاري لاءِ نور شاهه جي علائقي موسيٰ بلاڪ ۾ ڇاپو هنيو ويو، جنهن دوران جوابدارن پوليس تي فائرنگ ڪري ڏني. پوليس مطابق جوابدار ياسين ۽ قيصر پنهنجي ئي ساٿين جي فائرنگ ۾ مارجي ويا، جڏهن ته سندن 2 ساٿي ڀڄي وڃڻ ۾ ڪامياب ٿي ويا آهن. پوليس مطابق جوابدار هڪ مهينو اڳ ڊاڪٽر ساجد مصطفيٰ کي اغوا ڪري هڪ ڪروڙ رپيا ڀنگ وصول ڪيو هو، پوليس جوابدارن کان اغوا ۾ استعمال ٿيندڙ گاڏي، هٿيار ۽ ڀنگ وارا رقم مان 88 لک رپيا هٿ ڪري ورتا آهن.
231
