صوبائي وزير سيد سردار شاهه حيدرآباد ۾ پڪي قلعي جون ڀتيون ڪمزور ٿيڻ جو اعتراف ڪري ورتو

ڪراچي (ويب ڊيسڪ) ثقافت کاتي جي صوبائي وزير سيد سردار شاهه حيدرآباد ۾ پڪي قلعي جون ڀتيون ڪمزور ٿيڻ جو اعتراف ڪري ورتو آهي. سنڌ اسيمبلي جي اجلاس دوران ثقافت کاتي جي وزير سيد سردار شاهه حيدرآباد ۾ پڪي قلعي جون ڀتيون ڪمزور ٿيڻ جو اعتراف ڪندي چيو آهي ته مرمت نه ٿيڻ ڪري ڪنهن وقت به قلعي جون ڀتيون ڊهي پٽ پئجي سگهن ٿيون، مڪلي قبرستان ورلڊ هيريٽيج ڊڪليئر ٿيل آهي، ان بابت ڪو رسڪ نٿا کڻي سگهون، جڏهن ته موهن جي دڙي مان نڪتل تاريخي نواردات جون ڪيتريون ئي شيون دنيا جي ٻين ملڪن جي ميوزيم ۾ پيل آهن. صوبائي وزير سيد سردار شاهه موهن جي دڙي مان هٿ آيل ناچڻي جي مورتي دهلي ميوزيم مان واپس ڪرائڻ لاءِ قدم کڻڻ جي اپيل ڪئي آهي.