لاهور (ويب ڊيسڪ) پنجاب ۾ سينيٽ جي سمورين 11 خالي سيٽن تي چونڊون بنا مقابلي ٿي ويون آهن. اليڪشن ڪميشن پنجاب جو چوڻ آهي ته پنجاب ۾ سينيٽ جا سمورا اميدوار بنا مقابلي ڪامياب ٿي ويا آهن. اليڪشن ڪميشن پنجاب مطابق ٽيڪنوڪريٽس ۽ جنرل سيٽن تي سمورين پارٽين جا اميدوار ڪامياب قرار ڏنا ويا آهن. ڪامياب ٿيندڙن ۾ اعظم نذير تارڙ، سعيد علي ظفر، ڊاڪٽر زرقا ۽ سعديا عباسي به شامل آهن. اليڪشن ڪميشن مطابق عظيم الحق منهاس ۽ سيف الملڪوڪ کوکر نامزدگي ڪاغذ واپس وٺي ڇڏيا. اليڪشن ڪميش مطابق ساجد مير، عرفان الحق صديقي، اعجاز چوڌري، عون عباس ۽ ڪامل آغا به ڪامياب ٿي ويا آهن. ان کانسواءِ سيف الله سرور نيازي ۽ مشاهد الله خان جو پٽ افنان الله خان به بنا مقابلي پنجاب جا سينيٽر چونڊجي ويا آهن. ان سمورن اميدوارن جي ڪاميابي جو نوٽيفڪيشن سڀاڻي جاري ڪيو ويندو.
168
