ڪراچي (ويب ڊيسڪ) پاڪستان سپر ليگ جي ڇهين ايڊيشن کي ڪورونا وائرس جي وڌندڙ ڪيسن سبب ملتوي ڪيو ويو آهي. پاڪستان ڪرڪيٽ بورڊ پاران پي ايس ايل 6 ۾ ڪورونا وائرس جي وڌندڙ ڪيسن سبب 20 فيبروري کان شروع ٿيل ليگ کي ملتوي ڪيو ويو آهي. پي سي بي ۽ ٽيم مالڪن وچ ۾ ٿيل ورچوئل گڏجاڻي کانپوءِ پاڪستان ڪرڪيٽ بورڊ پاڪستان سپر ليگ 6 کي ترت ملتوي ڪرڻ جو اعلان ڪري ڇڏيو. ان سلسلي ۾ ٻڌايو پيو وڃي ته پرڏيهي رانديگرن جي هٿ کڻڻ سبب ايونٽ ملتوي ڪيو ويو. پي سي بي مطابق پي ايس ايل جي ڇهين ايڊيشن دوران 7 رانديگر ڪورونا وائرس جو شڪار ٿيا، جنهن سبب ڪراچي ڪنگز جو رانديگر ڊين ڪرسٽين پي ايس ايل ڇڏي چڪو آهي.
188
