ويلنگٽن (ويب ڊيسڪ) نيوزيلينڊ پنجين ۽ آخري ٽي ٽوئنٽي ۾ آسٽريليا کي 7 وڪيٽن تان شڪست ڏئي سيريز 2-3 تان پنهنجي نالي ڪري ورتي آهي. ويلنگٽن ۾ کيڏي ويندڙ آخري ٽي ٽوئنٽي انٽرنيشنل ۾ آسٽريليا پهرين بيٽنگ ڪندي مقرر اوورن ۾ 8 وڪيٽن جي نقصان تي 142 رنسون ٺاهيون، ڪينگروز پاران ميٿيوويڊ 44 ۽ ايرون فنچ 36 رنسون ٺاهي نمايان رهيا. نيوزيلينڊ آسٽريليا پاران ڏنل هدف 16هين اوورن ۾ 3 وڪيٽن جي نقصان تي حاصل ڪري ورتو. مارٽن گپٽل 46 بالن تي 4 ڇڪن ۽ 7 چوڪن جي مدد سان 71 رنسن جي دونهيندار اننگ کيڏي، جڏهن ته ڊيون ڪونوي 36 ۽ گلين فلپس 34 رنسن سان نمايان رهيا. مارٽن گپٽل مئچ جو بهترين رانديگر قرار ڏنو ويو، نيوزيلينڊ 5 مئچن واري سيريز 2-3 تان پنهنجي نالي ڪري ورتي.
188
